Tempotimor(Dili) - Governu Nova Zelándia promete sei fo atendimentu dignu ba estudante timoroan 17 husi Wuhan-Xina, durante tempu katantina semana rua iha Whangaparāoa, Nova Zelándia
"Governu Nova Zelándia sei koko atu halo timoroan sira sente kontente durante iha Nova Zelándia," hatete husi karta komunikadu ne'ebé
www.tempotimor.com asesu, Kuarta (5/2).
Tuir informasaun husi Governu Nova Zelándia, aviaun ne'ebé tula pasajeiru sira husi Wuhan inklui estudante timoroan nain 17, to'o iha Auckland, Nova Zelandia, Kuarta (5/2) oras 18:00 lorokraik oras Nova Zelándia nian ka 14:00 Otl.
Relasiona ho evakuasaun timoroan na'in 17 ne'e, Ministru Negósiu Estranjeiru no Kooperasaun (MNEK) Timor-Leste, Dionísio Babo Soares, reprezenta Estadu Timor-Leste fó agradese ba governu Nova Zelándia ne'ebé bele ajuda Timor iha situasaun difisil laran. (*)