Login to your account

Username *
Password *
Remember Me

Hatama Planu Urbanizasaun iha Gaveta, Kapital sai Sabraut

Kapital Timor Leste, Dili iha retratu Kapital Timor Leste, Dili iha retratu Foto suplai

Tempotimor (Dili)-Ambiente iha kapital Dili ne'ebé to'o ohin loron sei sabraut mosu tanba governu xave metin planu urbanizasaun ne'ebé trasa ona iha governasaun FRETILIN.

Deputadu FRETILIN Fabião de Oliveira hatete, iha governu dahuluk ne'ebé forma husi FRETILIN trasa ona planu urabizasaun ba kapital Dili no Munisipiu Baukau.

Maibé, nia hatete iha governasaun tuir mai laiha kontinuasaun ba planu refere. Ho ida ne'e mak rezulta kapital Dili to'o ohin loron sabraut hela.

"Planu urbanizasaun ba sidade Dili no Baukau ne'ebé primeiru governu FRETILIN husik hela, governu tuir mai rai tiha fali iha gaveta xavi metin tiha, aktu hirak ne'e mak ohin loron ordenamentu urbanu sidade sai sabraut," dehan Fabião iha plenaria PN, Tersa (04/2).

Tuir nia, aktu komunidade balun hodi harri uma iha valeta leten tanba failansu governu ne'ebé laiha politika atu regula komunidade sira bainhira hakarak halo uma.

"Loloos labele fó sala de'it ba komunidade, maibé lider politiku sira tenke hala'o knar ho di'ak hodi hamosu politika abitasaun no planu urbanizasaun hafoin ezizi populasaun atu kumpri," katak deputadu ne'e.

Planu La Loos

Iha fatin hanesan, relasiona ho inundasaun ne'ebé akontese iha kapital Dili, deputada FRETILIN Maria Angelica Rangel konsidera tanba governu nia planu no programa la loos.

"Ba ha'u kauza ne'ebé halo bee lori tuun hotu sasan sira iha foho ne'ebá mai, tanba planu no programa la loos i la implementa tuir palanu asaun ne'ebé iha," dehan nia.

Deputada ne'e dehan, maske governu implementa tuir planu estratejiku dezenvolvimentu nasionál mós sei la hamenus inundasaun, tanba programa ne'e la loos.

"Iha tempu Indonezia ema atu halo uma husu lisensa, maibé agora governu halo ida ne'e ka lae, ita labele fó sala de'it ba populasaun maibé estadu mak tenke koordena, tanba sira mai iha Dili ne'e atu buka sira-nia moris," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter