Print this page

Babo: Seidauk iha Desizaun Bandu Xina Tama TL

By February 04, 2020 2212
MNEK Dionisio Babo Soares hamriik ko'alia wainhira PGR tuur hela MNEK Dionisio Babo Soares hamriik ko'alia wainhira PGR tuur hela Foto Suplai

Tempotimor (Dili)-Ministru Negosiu Estranjeiru no Kooperasaun (MNEK) Dionisio Babo deklara katak to'o ohin loron governu Timor Leste seidauk foti desizaun hodi bandu ema Xina tama Timor Leste.

Deklarasaun ministru Babo ne'e relasiona ho karta ida husi Diresaun Jeral Serbisu Migrasaun ne'ebé informa ba ajensia sira iha aeroportu atu la autoriza ema ho pasaporte Xina tama Timor.

Lee mós: governu deside bandu sidadaun tama tl

Tuir nia, avizu ne'ebé fó sai mak atu halo teste no observasaun espesifiku ba see de'it mak fila husi rai li'ur.

"Ne'e hanesan instrusaun ida husi Ministériu Interior liu husi Diretór Jeral (Serbisu Migrasaun) par hatete sira ne'ebé mai husi rai boot ne'ebá tenke sujeitu ba cek ou teste no hetan mós observasaun espesifiku," dehan Babo iha palasiu governu, Segunda (03/02).

Tuir nia, daudauk ne'e Singapura, Indonezia, Malazia, Australia no Filipina taka dalan ona ba sidadaun Xina, tan ne'e sei la to'o iha Timor Leste.

"Se mak uza pasaporte Xina nian mai Timor tenke tuir medida ne'ebé parte saude no imigrasaun hola ona," nia afirma.

iha parte seluk, ulun bo'ot ida iha Serbisu Migrasaun lamenta ho informasaun ne'ebe fo sai husi Xefe Postu Aeroportu nian ne'e no promete sei hola medidas ruma iha tempo badak.

Rate this item
(1 Vote)
Last modified on Tuesday, 04 February 2020 01:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items