Prezidente CVTL, Madalena Hanjam hatete, CVTL iha prontidaun nafatin servisu hamutuk ho MS hodi espalla informasaun ba públiku relasiona prevensaun ba Virus Corona.
"Ami prontu kuandu governu bolu atu ko'alia buat ruma, liuliu desimina informasaun", dehan nia, iha Parlamentu Nasionál, Kinta (30/1).
Tuir nia, atu prevene ba virus nee presiza kontrola hahán entermu kualidade no kuantidade. Tenke deskansa didi'ak hodi bele iha forsa.
CVTL rasik prontu iha kualkér tempu karik Ministériu Saúde atu hakarak husu apoiu kona-ba prevensaun Virus Corona nian.
Virus Corona inisiu mai husi provínsia Hubei, iha Wuhan-Xina, dezde Dezembru 2019, nune'e hahú espalla makaas Janeiru 2020.
Informasaun ikus liu fó sai husi média internasionál, ema hamutuk na'in 170 mak mate tanba Virus Corona.