"Diálogu ne'e ba ami bankada PUDD, iha Parlamentu Nasionál sempre hakilar hanesan ona Pao Nosso de Cada Dia, ami temi beibeik" dehan Prezidente PUDD,  António Benevides, iha Palásiu Prezidensiál, Bairru-Pité, Kuarta (29/1). 

PUDD mos sujere atu diálogu ne'e kontinua la'o no sempre prontu simu kualker desizaun husi Prezidente Repúblika, Francisco Guterres Lú Olo.

Atuál Membru Parlamentu ne'e hatete, úniku dalan mak diálogu, maibé tenke ho fuan tanba PUDD opta ba deklarasaun Primeiru Ministru, Taur Matan Ruak, katak iha kadeadu iha Xave, iha problema iha solusaun.

"Kualker desizaun ne'ebé na'i Prezidente (Repúblika) foti ne'e mak ami nia opsaun," dehan Antonio.

Antonio akresenta, eleisaun antesipada opsaun ne'ebé ikus liu.

Diálogu entre Prezidente Repúblika, Francisco Guterres Lú Olo, ho partidu polítiku sira taka ho soru-mutu ho PUDD, ne'ebé hala'o iha Palásiu Prezidensiál, Bairru-Pité, Kuarta (29/1). (*)