TEMPO TIMOR - Diresaun Jerál Estatístika (DJE) hamutuk ho Ministériu Finansas (MF) fó treinamentu ba treinadór hamutuk ruanulu hodi fó asistensia ba programa pilotu sensus agrikultura iha timor leste 2019.
Diretór jerál estatístika Elias dos Santos Ferreira katak, treinadór sira ne'ebé husi ministériu agrikultura no peskas (MAP) hamutuk ho diresaun jerál estatistíka hili atu partisipa iha treinamentu ne'e hamutuk ruanulu, nune'e treinadór sira ne'e mai husi nasionál (Rai Laran).
"Treinadór na'in ruanulu ne'ebé tuir treinamentu ne'e mak sei fó fali treinamentu ba treinadór sira iha nivél postu administrativu sira ne'ebé husi ministeriu agrikultura no peskas hamutuk ho diresaun jerál estatístika identifika ona", dehan DGE Elias ba jornalista sira iha nia edifisiu Segunda (22/10).
Diretór ne'e salienta, Train of Trainers (ToT) ne'e importante tebes, tanba sei treinu ba kestináriu sira ne'ebé iha sei uza ba halo entervista ba populasaun agrikultores sira iha munisipiu hotu. tanba iha treinamentu ida ne'e sei uza aparellu ida naran CAPI (Computer Asistence Personal Intervew).
Entertantu diretór nasionál peskiza estatístika no informasaun Claudino Ninas Nabas dehan, durante tinan rua servisu hamutuk ho diresaun jerál estatistika no apoiu husi FAO ho realiza treinamentu ne'e konsege define ona oinsa atu ultiliza instrumentu ne'ebé apropriadu ba nasaun timor leste liuliu iha tipográfia agrikultura timor nia.
Diretór nasionál ne'e komenta, fundus ba apoiu programa pilotu sensus agrikultura ne'e hetan suporta husi FAO no governu timor leste nia ne'ebé tau iha dotasaun ba governu hotu. maibé ba implementasaun sei iha difikuldade ba orsamentu ne'ebé bele kobre ba atividades sira ne'ebé sei realiza iha munispiu no suku sira ne'ebé hetan identifikasaun ona husi DGE no MAP.
"Governu timor leste liuhusi minstériu finansas no ministériu agrikultura iha komitmentu para atu implementa pilotu ba sensus agrikultura nia ne'ebé sei implementa iha fulan dezembru mai. nune'e pilotu ida ne'e parte ida atu atu halo prepasaun ba sensus agrikultura iha tinan oin", haktuir diretór Claudino Ninas Nabais ba jornalista sira iha edifisiu diresaun jerál estatítika. (Oli)