Prezidente Repúblika, Francisco Guterres Lú Olo, ajenda ona atu fó pose, iha 28 janeiru 2020.
Embaixador sira ne'e maka hanesan Embaixadór Timor-Leste nasaun Reinu Unidu no Irlanda do Norte, Repúblika Populár Xina, Japaun, Singapura, Vatikanu, Portugál, Mosambike, Kambodia no Laos.
Liu husi Dekretu Prezidente Repúblika ne’ebé asina ohin, Segunda (27/1), Xefe Estadu dekreta hodi nomeia ba embaixadór sira extraordinária no Plenipotensiáriu.
Embaixadór sira ne'e maka hanesan, Maria Natalia Guterres Viegas Carrascalão embaixadora TL ba Singapura. Ermegildo Lopes ba Kambodia, Juvita Rodrigues Barreto de A. Goncalvesba Vatikanu, Abrao dos santos ba Repúblika Popular Xina, Isabel Amaral Guterres ba Portugal, Maria Renata Caldas de Jesus baLaos, Inês Maria de Almeida ba Australia, Gil da Costa ba Reinu Unidu no Irlanda-du-Norte, Ilídio Ximenes da Costa ba Japaun.
Antes ne'e, iha tinan 2019, Prezidente Repúblika pendente tomada-de-pose ba embaixadór hirak ne'e tanba lista doubradu, nune'e entrega fali ba Governu hodi hadi'a.