Kometimentu ne'e Governu Kuba hato'o, liuhusi embaixador foun Kuba iha Timor-Leste, Omar Lauro Marerro Betancourt, bainhira hato'o karta kredensiál ba Prezidente Repúblika, Francisco Guterres Lú Olo.
Embaixadór Omar rasik substitui embaixadór Óscar Genaro Coet Blackstock ne'ebé nia mandatu remata ona.
Iha enkontru ho Prezidente Repúblika, Embaixadór Kuba foun ne'e informa komitmentu Governu Kuba nian atu kontinua hametin relasaun entre rai rua liuliu iha área médiku.
"Sira kontinua re-intera mós kompromisu atu servisu hamutuk nafatin ho ita, liuliu iha área médiku," dehan Ministru Negosiu Estranjeiru no Kooperasaun (MNEK) Dionísio Babo Soares, iha Palásiu Prezidensiál,Bairru-Pité , Segunda (27/1).
Alende ne'e, kooperasaun iha área médiku, servisu hamutuk entre Kuba ho Timor-Leste iha mós área turizmu no agrikultura.
Liuhusi embaixadór foun, hatoo komprimentus husi Prezidente Kuba, Raul Castro ba Prezidente Repúblika, Francisco Guterres Lú Olo no agradese mós ba Timor-Leste nia apoiu ba Kuba iha área multilaterál. (*)