Ministra Saude interina, Elia dos Reis Amaral hatete, Governu aprova ona RSI atu haforsa kapasida vizilánsia no mós atu responde ba asuntu emerjénsia sira iha saúde públiku nian.

"Dokumentu ida ne'e aprova ona iha asembleia mundiál no ita mós hola parte iha momentu ne'ebá no util adezaun regulamentu sanitária internasionál iha kedas 2012 ate agora",  dehan nia, iha Palásiu Governu, Kuarta (22/1).

Nune'e,  agora presiza hadi'a fila-fali regulamentu ne'e atu bele hadi'a kondisaun tekníka hodi deteta, avalia, notifika no komunika para bele responde ba saude públiku iha nivel internasionál nian.

Nia afirama, hasai mos rezolusaun governu ida hodi husu apoiu ba liña ministeriál, liuliu iha parte vizilánsia no atu kontrola no prevene di'ak liután moras ne'ebe ameasa ba saúde públiku rasik.