Deputadu CNRT Fo Presaun ba PM Taur To'o Baku Mate AMP

Primeiru Ministru, Taur Matan Ruak ko'alia hela ba jornalista sira Primeiru Ministru, Taur Matan Ruak ko'alia hela ba jornalista sira Foto Midia Prezidencia da Republika

Tempotimor (Dili) - Hafoin hasoru malu ho Prezidente da Republika, Dr. Francisco Guterres 'Lu Olo' iha palasiu Pewzidensial Aitarak laran Dili, Primeiru Ministru VIII Governu konstitusional, Taur Matan Ruak, deklara offisialmente, Aliansa Maioria Parlamentar (AMP) ne' ebe forma husi CNRT, PLP no KHUNTO la ejisti ona, hafoin Bankada CNRT iha koligasaun AMP nia laran vota kontra no vota absteinsaun hodi rezulta jeneralidade Lei OJE 2020 Xumba iha Parlamentu Nasional. Mai ita sani hamutuk deklarasaun kompletu husi Primeiru Ministru Taur Matan Ruak :


“Publiku hotu hatene katak, debate orsamentu xumbadu iha sexta-feira em primeiru lugar hatudu katak, AMP laiha ona, em-segundu lugar ita iha nesesidade ultrapasa situasaun ida ne’e, tanba ne’e ha’u mai hatete ba prezidente republika katak, desizaun saida deit, ha’u prontu para apoiu.”

“AMP iha komprimisu tolu importante: ida programa governu tenke pasa signifika katak partidu tolu aliansa tenke vota, segundu orsamentu tenke pasa, terseiru lei sira estruturante tenke liu. Agora orsamentu la liu e CNRT mak vota kontra sinal saida, hatete katak AMP laiha ona deputadu CNRT mak baku mate AMP iha sexta-feira ne’e.”

“Ha’u husu deskulpa ba lideransa CNRT, PLP no Khunto ba militante simpatizante sira servisu maka’as para AMP akontese, maibe deputadu AMP sira baku mate tiha AMP.”

“ha’u la hatete traisaun, tanba ha’u rona diskursu xefe bankada CNRT ne’ebe hatete: tanba kandidatu nain 7 prezidente la fo posse, segundu tanba primeiru ministru sobu Sistema, entaun ha’u nia pergunta hanesan karreta ida karik prezidente hasai tiha roda ida, primeiru ministru sobu tiha kadeira iha karreta laran, sira (CNRT) too mai fakar tiha minarai sunu tiha karreta, agora ida sobu deit kareta nia roda mak sala ka, ida sobu karreta nia kadeira mak sala ka, ida mai sunu nee mak sala. Ne’ebe responsabel tomak ba deputadu CNRT nian iha parlamentu nasional, sira mak mak sobu AMP.”

“ha’u hanesan primeiru ministru iha onradu ba konvite AMP liuliu CNRT hodi lidera governasaun ne’e. so que ha’u hatete ba deputadu sira ha’u la gosta presaun no santazen nian.”

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com