Deputada FRETILIN, Josefa Alves Pereira hatete, ezekusaun OJE 2019 ne'ebé atinji 84% signifika membru governu ne'ebé pendente laiha influénsia tanba ezekusaun orsamentu la'o normál hela.
Nune'e, deputada ne'e mós preokupa ho alokasaun OJE2020 ba setór, saúde, agrikultura no edukasaun ne'ebé ho persentajen ki'ik.
Hataan ba preokupasaun hirak ne'e, Primeiru Ministru, Taur Matan Ruak hateten, kompletu númeru membru governu ne'e importante tebes hodi apoia prosesu dezenvolvimentu rai laran.
"La presiza membru governu kompleta ha'u nia hanoin kontráriu, se iha tan (kompletu) ha'u hanoin ne'e di'ak liután," dehan PM Taur, iha Uma Fukun PN, Kinta (16/01).
Kona-ba alokasaun orsamentu ba setór nesesidade povu nian iha OJE 2020 ba área edukasaun hetan porsaun 9%.
Tuir Xefe Governu, númeru ne'e boot hodi dezenvolve setór edukasaun maibé se aumenta di'ak liután.