Tuir giaun ne'ebé diskute ona iha nivel xefe bankada sira konkorda atu halo diskusaun OJE 2020 iha loron Sábadu, maibé to'o iha plenária hetan reasaun husi deputadu sira.
Iha intervensaun antes votasaun, Deputadu Bankada FRETILIN, Aniceto Gutettes hateten, tuir loloos iha loron Sábadu labele iha diskusaun tanba ne'e loron férias.
"Loron Sábadu ne'e tempu atu ema hotu férias," deklara Prezidente Bankada FRETILIN, iha Uma Fukun PN, Kuarta (15/1).
Maski nune'e, deklarasaun Aniceto nian hetan reasaun makaas husi Bankada Governu. Tanba Aniceto nu'udar Prezidente la presiza kestiona kona-ba loron ne'e tanba sira konkorda ona iha reuniaun nivel bankada.
"Lider Bankada mak konkorda maibé lider Bankada duni mak kontra," dehan Deputadu Bankada PLP, Abel Pires.
Giaun ne'e rasik hanesan mata-dalan ba debate atu deputadu sira kumpre durante debate OJE.