Print this page

Lei Garante Ministru Fidelis “Falta” iha Audensia ho Komisaun PN

By January 13, 2020 2708
MRLAP, Fidelis Manuel Leite Magalhães halo hela deskursu iha podium MRLAP, Fidelis Manuel Leite Magalhães halo hela deskursu iha podium Foto Midia MRLAP

Tempotimor (Dili)-Aujensia membru governu balun iha audensia ba proposta Orsamentu Jeral Estadu (OJE) 2020 ho komisaun sira Parlamentu Nasionál (PN) hamosu preokupasaun. Maske nune’e, Ministru Reforma Lejislativa Asuntu Parlamentar (MRLAP) Fidelis Manuel Leite Magalhães konsidera la’os problema tanba lei garante.

Fidelis sai nu’udar membru governu ida ne’ebé hetan mós kritika tanba la marka prezensa durante audensia proposta OJE 2020 ho komisaun PN.

Ba kestaun ne’e, Ministru Fidelis dehan, governu funsiona hanesan unidade, signifika bainhira ministru ida laiha auzensia bele subtitui ho membru governu seluk.

"Se enkuantu ha’u hanesan MRLAP la marka auzensia, ha’u bele (hetan) subtitui (husi) SEKomS tanba nia atu ajuda MRLAP," dehan Fidelis ba Jornalista sira iha edifisiu Ministeriu Finansas, Segunda (13/01).

Hanesan mós iha parte ekonomia, ministru ne’ebé kaer mós pasta nu’udar Ministru Koordenador Asuntu Ekonomiku (MKAE), hatutan bainhira ministru la marka prezensa, ministru estadu sei ajuda atu tau-matan.

Tanba, Fidelis afirma, governu funsiona hanesan instituisaun ida ne'ebé la depende de'it ba ema ida, no governu iha ninia kalendariu rasik, organizasaun rasik no iha ninia lei organika rasik.

"Lei organika governu nian ha’u labele temi (númeru hira), tanba iha lei organiku ne'e iha númeru ne'ebé barbarak," dehan ministru ne’e.

 

Rate this item
(0 votes)
Last modified on Monday, 13 January 2020 16:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items