Komadante Jeral PNTL, Komisariu Faustino da Costa katak, impase politika ne'ebe la'o iha rai laran nia implikasaun hanaruk prosesu konstrusaun edifisiu foun ba PNTL ne'ebe ohin halo ona lansamentu.
Tuir planu, dezenvolvimentu estrateziku nasional defini 2011 to'o 2030 katak, bainhira to'o 2030 instituisaun PNTL nu'udar instituisaun Estadu ne'ebe kredibel, konfiadu ho ninia ekipamentu adekuadu, avansadu no modernu.
Nune'e, edifisiu ida ne'ebe planeia atu sai fatin ba PNTL hodi hala'o knaar ho responsablidade tuir planu ne'ebe governu prepara antes to'o 2030.
Planu atu halo konstrusaun edifisiu foun ba Komandu Jeral PNTL hahu kedas iha 2014, iha momentu Longuinhos Monteiro sei asume kargu komanda.
Nune'e, iha tempu Ministru Somotxo asina ona akordu kontratu ho kompania Shanghai Construction ho montante osan $10.167.638.
Nune'e, iha loron (10/1) Ministru Interior halo lansamentu ba konstrusaun edifisiu foun PNTL no tuir planu hahu kontrui hafoin lansamentu.