Redus OJE MTK, Ameasa ba Reseita Estadu

MTK, Jose Agostinho da Silva ko'alia hela ba midia MTK, Jose Agostinho da Silva ko'alia hela ba midia Foto arkivu

Tempotimor (Dili)-Ministru Transporte no Komunikasaun (MTK), Jose Agustinho da Silva hateten, Orsamentu Jeral Estadu (OJE) tinan fiskal 2020 ne'ebe redus sei afeta ba atendementu publiku no fo efeitu negativu ba reseita Estadu nian.


Antes ne'e MTK preve osan hamutuk tokon $21.6, maibe liuhusi diskusaun Komisaun Revizaun Orsamental (KRO) hamenus 50% k hasai tokon $10.9. Nune'e osan ba tinan fiskal 2020 hela deit tokon $10.7.

Ministru Jose esplika, ministeriu ne'e nia servisu mos importante atu asegura konetividade transporte terestre, maritima, aereo no komunikasaun.

Nia hatutan, orsamentu ne'ebé preve atu asegura ba atendementu publiku, hodi bele garante ba reseita. Tanba ne'e bele redus maibé, presiza atensaun hodi fasilita servisu atu bele hetan reseita ho diak.

"Se ita aloka orsamentu ho numeru ne'ebe la sufisiente, signifika sei afeta ba atendementu publiku entaun reseita atu tama ba kofre estadu sei menus", tenik nia, iha Uma Fukun PN, Tersa (7/1).

Prosesu diskusaun orsamentu seidauk remta tanba ne'e sei bele iha mudansa bainhira tama ba diskusasaun iha Parlamentu Nasional.

Rate this item
(0 votes)
Last modified on Thursday, 09 January 2020 08:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com