Print this page

Laiha figura Ida Bo'ot Liu Estadu

By January 07, 2020 3841

Tempotimor (Dili) - Situasaun politika kontinua lao estavel hafoin partidu koligasaun Aliansa Mudansa ba Progresu (AMP) vinga malu iha governasaun laran.


Maski nune'e, deputadu bankada opozisaun FRETILIN husu atu bloku ne'e tuur hamutuk halo dialogu tanba laiha figura ida iha nasaun ne'e mak boot liu fali Estadu.

"Laiha politiku no figura ida aas liu Estadu, entaun Estadu ezize atu hotu-hotu tu'ur hamutuk hodi buka solusaun ba moris di'ak povu no rai Ida ne'e," dehan Branco, iha Uma Fukun PN, Tersa (7/1).

Nia hatutan iha tempu kampana partidu sira halo komprimisiu ba povu ho programa tanba ne'e iha tinan foun ne'e presiza halo reflesaun hodi kumpre kompromisu ne'ebé  halo.

Branco hatete, hafoin eleisaun antesipada partidu CNRT, PLP no KHUNTO forma koligaun AMP hodi ukun, ne'ebé hili figura Taur Matan Ruak hodi xefia governu.

Ne'e  duni, membru partidu koligasaun hotu tenke obediese hodi tuir orientasaun Taur nian tanba sira mk fo konfiansa hodi lidera governu.

"Sira rasik mak hili, sira rasik nak soke malu fali. Ne'e la diak porque falta responsablidade," dehan Branco.

Tuir nia, situasaun ne'e hanesan 'sulan' fali Estadu,tanba halo povu kontinua moris iha inserteza laran hodi hein benefisiu husi sira-nia ukun.

Situasaun politika Timor-Leste rasik sei iha inserteza laran hahú kedas Eleisaun Parlamentár 2017 to'o agora. (*)

Rate this item
(1 Vote)
Last modified on Wednesday, 08 January 2020 00:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items