“Tanba, iha Artigu 11 Konstitusaun RDTL hateten, labele halo diskriminazaun ba feto no mane,” hatete Julião da Silva bainhira abertura Semináriu Preparasaun Feto ba Ekonomia Dezenvolvimentu Nasionál, Bazeia ba Progresu CEDAW, Kinta (05/12/19) iha salaun enkontru MSSI, Kaikoli, Dili.
Tuir Julião, SEFOPE sei nafatin buka oportunidade oinsá bele valoriza grupu feto balun ne’ebé rezista ona iha Sekretáriu Estadu Igualidade Jéneru.
“Nune’e, bele fó apóiu liuhosi programa auto-empregu, hodi bele hadi’a sira nia moris lorloron ni’an,” Julião promete.
Entretantu, Diretór Jerál Administrasaun no Finansas SEFOPE nian, José Asá hateten SEFOPE sei kontinua hala’o programa ba iha igualidade jéneru ho balansu nafatin. Nune’e, bele dezenvolve ekonomia sosiál no aspektu hotu-hotu iha futuru.
Oradór semináriu ne’e mai husi Komisaun Funsaun Públika, Komisária Domingas Alves ne'ebé ko’alia konabá Papel Komisaun Funsaun Públika no oradór husi Prokuradoria Diretus Humanus no Justisa Silveiro Pinto ne'ebé ko’alia kona-ba Progresu CEDAW Liga ho Área Formasaun, Empregu no Traballu.