Alende hodi haree besik, SEFOPE mós hakarak buka hatene kle'an liután, kona-ba situasaun no kondisaun ne'ebé traballadór timoroan sira infrenta durante servisu iha kampu ne'ebé iha loos tasi klaran ne'e.
Iha okaziaun ne'e, SEFOPE sosializa Lei Rejimu Laborál ne'ebé foin daudauk hetan ona promulgasaun husi Prezidente Repúblika.
Durante vizita, SEFOPE nota katak servisu ne'ebé traballadór timoroan sira hala'o iha kampu Bayu Undan, risku tebes.
Iha biban sorumutu, SEFOPE hetan sujestaun no idea balun husi traballadór timoroan sira sobre sira nia kondisoens servisu, durante iha tasi klaran no atendimentu husi kompañia sira.
“Presiza atu hadi'a kondisoens ho dignu, merese atu hetan mós atensaun máximu no transparansia husi kompañia, ba traballadór timoroan sira,” hatete SEFOPE.
SEFOPE mós informa, espera iha tempu badak nia laran Lei Indústria Extrativa bele hetan ona apresiasaun husi Konsellu Ministru no Parlamentu Nasionál.