Print this page

Padraun Foun PM Taur: Ministériu ne’ebé La Ezekuta Hotu OJE, sei La Fó tan Osan

By December 06, 2019 2463

Tempotimor (Dili)-Primeiru Ministru Taur Matan Ruak planeia atu hamosu padraun foun ba membru governu sira ne’ebé la konsege ezekuta hotu Orsamentu Jeral Estadu (OJE) ne’ebé aloka ba sira-nia ministériu.

PM Taur dehan, ministériu ida ne’ebé la konsege ezekuta hotu osan ne’ebé aloka ba iha OJE sei la hetan osan iha OJE tinan tuir mai.

"Ha’u hanoin atu sai padraun ida mak kuandu see mak la ezekuta nia osan hotu, sei la fó tan osan,” deklara PM Taur ba jornalista sira hafoin hasoru-malu ho Prezidente Repúblika Franciso Guterres Lu Olo iha palasiu Prezidensial Bairro-pite, Dili, Kinta (05/12/19).

Xefe Governu ne’e hatete, dezde ukun aan kapasidade ezekusaun sai ona asuntu ne’ebé sempre koalia, maibé to’o ohin loron sei kontinua sai problema.

Tan ne’e, ba OJE 2020 ne’ebé governu retira ona, Xefe Governu ne’e dehan, nia fó ona orientasaun ba ministériu hotu-hotu atu redus OJE 2020 tuir idaidak ninia kapasidade ezekusaun ba OJE 2019.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items