PM Taur: Redus OJE, Dezenvolvimentu mós sei Hakdasak

Primeiru Ministru lao hela iha koridor Palasiu PR, Aitarak Laran, Dili (05/12) Primeiru Ministru lao hela iha koridor Palasiu PR, Aitarak Laran, Dili (05/12) Foto Midia PR

Tempotimor (Dili)-Governu Aliansa Mudansa ba Progresu (AMP) “obrigatoriamente” tenke retira Orsamentu Jeral Estadu (OJE) 2020 husi Parlamentu Nasionál tanba deputadu sira, liu-liu bankada AMP la konkorda ho montante OJE ne’ebé sira konsidera boot demais.

Foin lalais, iha deputadu sira-nia oin, PM Taur deklara retira OJE 2020 no promete atu halo redusaun ba montante OJE hafoin sei lori fila fali ba Parlamentu Nasionál iha 13 Dezembru 2019 hodi diskuti no aprova.

Lee mós: PM Taur ne’ebé “Rende” ba PN

Relasiona ho redusaun ba montante OJE 2020, PM Taur dehan, redusaun OJE ne’e la’os kestaun hatuun de’it númeru osan, maibé sei ko’a mós metas hirak ne’ebé iha.

"Emves dezenvolvimentu ne'e lalais, ita neineik tanba ko'a ona osan," dehan PM Taur ba jornalista sira hafoin hasoru-malu ho Prezidente Republika Francisco Guterres Lu Olo iha palasiu Prezidensial Bairro-pite, Kinta (05/12/19).

Xefe Governu ne’e esplika, bainhira koa montante OJE 2020, signifika mós tenke ko’a osan ba projetu sira ne’ebé hakarak atu implementa.

Tanba ne’e, nia afirma, dezenvolvimentu ba povu Timor Leste mós sei la’o neineik.

“Kuandu ita realiza festa ida, hakarak konvida ema barak atu partisipa, mais kuandu osan uitoan dei't, ita sei la atinzi atu konvida ema barak,” dehan Taur hodi fó ezemplu.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com