PM Taur ne’ebé “Rende” ba PN

Plenaria Parlamento Nasional ba loron daruak debate Jeneralidade OJE 2020, Dili (03/12) Plenaria Parlamento Nasional ba loron daruak debate Jeneralidade OJE 2020, Dili (03/12) Foto tempotimor.com

Tempotimor (Dili)-Primeiru Ministru governu Aliansa Mudansa ba Progresu (AMP) Taur Matan Ruak ikus mai “hiit-liman rua” ba deputadu sira iha Parlamentu Nasionál ne’ebé la konkorda ho montante orsamentu iha proposta Orsamentu Jeral Estadu (OJE) 2020.

Molok governu AMP aprezenta proposta OJE 2020 mosu ona kritika ne’ebé la’os de’it mai husi sosiadade sivil no opozisaun, maibé mós mai husi deputadu husi bankada ne’ebé apoiu governu.

Hafoin halo aprezentasaun ba proposta OJE 2020 iha Segunda (02/12), ikus mai iha loron daruak diskusaun jeneralidade OJE 2020 iha Tersa (03/12), Xefe Governu deside hodi retira proposta OJE 2020.

"Retira proposta orsamentu, tanba razaun primeiru númeru orsamentu boot no segundu nivel ezekusaun, entaun deputadu sira hakarak altera, ami aseita atu reajusta orsamentu ne'e, hodi aprezenta fila-fali ba Parlamentu Nasional," deklara PM Taur ba jornalista sira hafoin diskusaun loron daruak, iha PN.

PM Taur dehan, governu AMP tenke halo redusaun ba orsamentu iha proposta OJE 2020 tanba deputadu hotu-hotu hakarak.

Xefe Governu ne’e agradese ba Prezidente PN no deputadu sira ninia pasensia no ajuda ona governu.

"Ha'u hakarak agradese ba Prezidente Parlamentu Nasionál no distintus deputadus hotu, ne'ebé fó kontribuisaun par hadi'a fali OJE 2020, preokupasaun sira ne'e lejítimu no rejista," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com