Pasaporte Mate Iha Rai Liur, Ekipa MNEK Identifika

MNEK, Dionísio Babo Soares. MNEK, Dionísio Babo Soares. Foto: Bangkok Post

Tempotimor (Dili) – Relasiona ho Timoroan sira-nia pasaporte ne'ebé mate iha estranjeiru, Ministériu Negósiu Estranjéiru no Kooperasaun (MNEK) servisu hamutuk ho Ministériu Justisa (MJ) forma ekipa levantamentu dadus nian ba rai liur, hodi identifika Timoroan sira ne'ebé pasaporte mate ona.

"Tinan oin, Ministériu Justisa (MJ) nia ekipa ba para haree pasaporte hirak ne'e. Tanba, ema na'in hira ita seidauk identifika. Nune'e, ita haruka uluk ekipa balun para halo levantamentu dadus," dehan MNEK, Dionísio Babo Soares iha Palásiu Governu, Kuarta (20/11/19).

Dionísio dehan, bainhira levantamentu dadus hotu ona, foin mak foti desizaun no entrega dadus hirak ne'e ba Ministériu Justisa. Liuliu ba diresaun ne'ebé toma konta ba pasaporte ninian. MNEK, tuir Babo, fasilita halo levantemantu dadus husi Timoroan sira iha Inglaterra, Irlandia no Portugál.

MNEK mós husu ba Timoroan sira iha Inglaterra, Irlandia no Portugál atu prepara an. Tanba, ekipa levantamentu dadus sei semana ida iha Inglaterra, depois ba fali Irlandia-norte no Portugál.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.