Tuir informasaun ne’ebé www.tempotimor.com asesu iha pájina ofisiál governu, kinta (11/05) katak, aprezentasaun ne’ebé halo iha reuniaun konsellu ministru, kuarta (10/05) mak retratu Mandatu Governu Konstitusionál VIII tinan 2018-2023 hanesan publikasaun ida ne’ebé sei deskreve atividade prinsipál no rezultadu sira husi Governu ida-ne’e dezde nia simu pose, nune’e mós dezafiu sira ne’ebé hasoru no rekomendasaun ba futuru. Hirak ne’e sei mensiona avansu iha setór sosiál, institusionál, ekonómiku no infraestrutura sira.
Iha reuniaun konsellu ikus liu, Ministru Koordenadór Asuntus Ekonómikus, Joaquim Amaral, aprezenta pontu situasaun ba prosesu adezaun nian ba Organizasaun Mundiál Komérsiu (OMK). (*)