Login to your account

Username *
Password *
Remember Me

KM Altera Akordu Kontribuisaun Finanseira Entre Timor-Leste no USAID

Reuniaun Konsellu Ministru iha Palasiu Governu, momentu balun liu ba. Reuniaun Konsellu Ministru iha Palasiu Governu, momentu balun liu ba. Foto Espesial

Tempotimor (Dili)-Governu liuhusi reuniaun Konsellu Ministru (KM) loron kuarta (11/05) konsege halo aprovasaun kona-ba alterasaun daruak Akordu kontribuisaun finanseira ba objetivu dezenvolvimentu sustentável nian entre Timor-Leste no ajénsia United States Agency for International Development (USAID).

Ministru Prezidénsia Konsellu Ministru, Fidelis Leite Magalhães esplika, Konsellu Ministrus aprova ona, tuir projetu ne’ebé aprezenta husi Ministru Finansas, alterasaun daruak ba Akordu kontribuisaun finanseira ba objetivu dezenvolvimentu sustentável nian entre Repúblika Demokrátika Timor-Leste no Estadus Unidus Amérika, liuhusi ajénsia USAID, ne’ebé asina ona iha loron 18 fulan-maiu tinan 2021.

Ba akordu ida-ne’e atu haree ba dezenvolvimentu setór naun petrolíferu no reforsu governasaun di’ak ba períodu tinan lima nia llaran husi 2020 to’o 2025.

Iha alterasaun ida-ne’e ho nia objetivu atu aumenta valór kontribuisaun finanseira, ne’ebé sei realiza husi Estadus Unidus Amérika, ho dolar amerikanu millaun 36,6 ba dolar amerikanu millaun 53,6.

Entretantu Konsellu Ministrus aprova ona, tuir mós projetu ne’ebé aprezenta husi Ministru Finansas, alterasaun daualuk ba Akordu kontribuisaun finanseira ba objetivu dezenvolvimentu sustentável sira entre Repúblika Demokrátika Timor-Leste no Estadus Unidus Amérika, liuhusi ajénsia USAID, ne’ebé asina ona iha loron 27 fulan-marsu tinan 2014.

Akordu ida-ne’e ho nia objetivu atu reforsa kapasidade institusionál no umana ba dezenvolvimentu períodu tinan 2014 to’o 2019.

Alterasaun ida-ne’e ho nia objetivu atu revee data ikus akordu nian ba loron 30 fulan-setembru tinan 2025 hodi permite konkluzaun atividade sira ne’ebé finansia husi kontribuisaun finanseira.

Konsellu Ministrus hili Ministru Finansas hodi reprezenta Governu Timor-Leste atu asina akordu ida-ne’e.

Bainhira asina akordu ne’e, Konsellu Ministru hili Ministru Finansas hodi reprezenta Governu Timor-Leste, atu asina akordu sira ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter