Tempotimor (Dili) – Atu haforte liután relasaun entre Estadus Unidus Amérika (UEA) ho Timor-Leste, Diretór Gabinete Asuntu Marítima ba Sudeste Aziatiku, Mark D. Clark vizita Timor-Leste.
Sesta (15/11/19), Mark D. Clark hasoru malu ho Primeiru Ministru Taur Matan Ruak iha Palásiu Governu.
"Hasoru malu ho Primeru Ministru Taur Matan Ruak, rona mós ideia ne'ebé ko'alia kona-ba asuntu oioin. Maibé, objetivu mak atu hametin liután parseria ne'ebé durante ne'e iha ona, entre EUA ho Timor-Leste," dehan Mark D. Clark ba jornalista hafoin hasoru PM Taur.
Mark afirma, nia diskusaun ho PM Taur pozitivu atu hametin relasaun entre povu ho povu, nomos hametin kooperasaun iha área seguransa, ekonomia no polítika.
"Ami mós hakarak oferese tan oportunidade ba joven sira liuhosi hametin relasaun atu hametin lasus entre ema ho ema ou povu ho povu, entre rai rua ne'e," Mark tenik.