Print this page
Politika

Ró Haksolok sei to'o Timor iha Novembru 2023

By February 28, 2023 2196
Prezidente Autoridade Rejiaun Administrativa Espesiál Ambeno Oecusse (RAEOA), Arsenio Bano. Prezidente Autoridade Rejiaun Administrativa Espesiál Ambeno Oecusse (RAEOA), Arsenio Bano. Foto Suplay

Tempotimor (Dili)-Prezidente Autoridade Rejiaun Administrativa Espesiál Ambeno Oecusse (RAEOA), Arsenio Bano informa, konstrusaun Ró Haksolok ne'ebé inisia husi V Governu Konstitusionál to'o agora atinje ona pursentu 76, nune'e sei mai Timor-Leste iha loron 28 fulan-novembru tinan 2023.

"Iha tinan kotuk nia konstrusaun atinje pursentu 65 agora ita bele dehan, atinje pursentu 75 ne'ebé to'o loron 28 novembru Ró ne'e tenke hotu tuir kontratu ne'ebé ami asina", dehan nia iha palásiu governu, tersa (28/03).

Durante Ró Haksolok ne'ebé seidauk finaliza Instituisaun Autónoma Komisaun Anti Korupsaun (CAC-sigla portugés) bolu ona Arsénio Bano hodi presta informasaun.

"Ha'u dalarua ona, hato'o informasaun ba CAC, ita hanoin ona halo konkluzaun barak, ita la subar buat prosesu ida iha Ró-Haksolok, prosesu la'o terlambat ka la la'o terlambat kontratu sira ne'e hotu kompletu, ha'u ba CAC hanesan presta informasaun iha tinan kotuk dokumentu sira husu ne'e ami fó hotu ona", nia afirma.

Inisidór kontratu dahuluk ba Ró Haksolok mak Eis Primeiru Minístru, Kay-Rala Xanana Gusmão, Pedro Lay.

"Ha'u nia misaun atu halo hotu no lori Ró ne'e mai", nia realsa. (*)

Rate this item
(1 Vote)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items