Print this page

SEKOOP ho Komisaun D iha PN Deskute Projetu Lei Ekonomia Sosiál

By February 17, 2023 1153
Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira hatete, halo audiensia ho Komisaun D ne'ebé trata assuntu dezenvolvimentu no ekonomia sosiál iha Parlamentu Nasionál hodi ko'alia kona-ba projetu lei númeru 49/V (5A) ne’ebé sei sai baze ba ekonomia sosiál iha Timor-Leste.

"Parte Sekretária Estadu Kooperativa apresia no agradese teb-tebes ba ilustre deputadu sira, projetu ne'e inisiativa di’ak, tanba lei ida ne'e bele kondúz kooperativa sira, asosiasaun sira, hatene organiza-an hodi partisipa direita iha dezenvolvimentu ekonomia sosiál", haktuir komunikadu ne'ebé www.tempotimor.com asesu pájina ofisiál SEKOOP, sesta (17/02).

Tanba Konstitusaun Repúblika Demokrátika Timor-Leste (KRDTL) liu-liu artigu 138 mós ko’alia kona-ba organizasaun ekonomiku ne’ebé hatete, ekonomia hatuur iha konjugasaun forma tolu mak hanesan, setór públiku, setór privadu no kooperativa.

Nune’e Presidente Komisaun D, Antoninho Bianco mós hatete, projetu lei baze ekonomia sosiál ne’e kria husi deputadu sira iha komisaun D, tanba durante ne’e seidauk iha lei refere.

Entretantu projetu lei baze ekonómia sosiál ne’e, kompostu husi artigu hamutuk 14. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items