Login to your account

Username *
Password *
Remember Me

Ekipa PNDS Baukau Tuir Treinamentu ba Mata-Dalan Foun

Ekipa PNDS husi Postu Administrativu 6 tuir hela trinamentu iha salaun apuramentu Munisípiu Baukau, Tersa (14/02). Ekipa PNDS husi Postu Administrativu 6 tuir hela trinamentu iha salaun apuramentu Munisípiu Baukau, Tersa (14/02). Foto Suplay

Tempotimor (Baukau)-Ekipa Programa Nasionál Dezenvolvimentu Suku (PNDS) Munisípiu Baukau tuir ona treinamentu kona-ba mata-dalan foun, iha kuarta alterasaun dekreitu lei PNDS númeru 08/2013.

Sekretária Ezekutiva PNDS Nasionál, Claudina Soares Pinto, esplika, mata-dalan ne'ebé antes ne'e uza ba programa PNDS nian iha Munisípiu iha ona mudansa, tanba iha kuarta alterasaun dekreitu lei PNDS númeru 08/2013, ne'ebé regula programa PNDS nian, ba manual ne'ebé PNDS durante ne'e utiliza.

"Entaun ami hakarak aproveita oportunidade antes atu tuun halo sosializasaun tenke halo uluk treiñamentu para ekipa sira intende mata-dalan PNDS nian molok implementa, tanba mekanizmu mudansa oituan ona", dehan nia iha vila nova Baukau, Tersa (14/02).

Husi alterasaun ne'e mós fó ona kompeténsia ba Autoridade Lokál sira atu garantia servisu PNDS, nune'e mós fó kompeténsia ba Prezidente Autoridade Munisípiu identifika projeitu PNDS iha nivél Suku liuhusi Konsellu Koordenasaun Munisípal.

Nune'e mós redusaun ba etapa 12 husi PNDS ne'ebé antes iha hahú husi sosializasaun to'o implementasaun, konsidera hatarde progresu implementa projeitu, maibé agora reduz ba 8 sei aselera progresu projeitu.

Alende mós altera ona Uma Kbi'it La'ek (UKL) ba Uma Naroman ba Povu (UNP) ne'ebé ho nia sistema diferente, tanba UNP iha tinan 2021-2022 PNDS estabelese ekipa verifikadór ne'ebé kompostu husi ema na'in-8 hodi identifika benefisiáriu ba UNP.

Maibé agora mudansa, tanba loke ona ba públiku komunidade kbi'it la'ek hotu-hotu bele rejistu, hafoin lori ba Administradór Postu hodi apráva benefisiáriu, tuir uma ne'ebé Governu atribui ba kada Suku.

"Ne'e mak objetivu prinsipais ita halo treinamentu ba ekipa sira hanesan implementadór iha tereñu bele komprende konteudu husi alterasaun ne'e", nia akresenta

Entretantu partisipa iha treinamentu ne'e, ekipa PNDS sira husi Postu Administrarivu Baguia, Baukau Vila, Laga, Kelikai, Venilale inklui Vemase. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter