Tanba, sira konsidera prezensa Xanan Gusmão nian iha serimonia afiliasaun, ne’ebé grupu ida atu afilia ba partidu CNRT iha loron 11 fulan-fevereiru tinan 2023 iha kintal boot ne’e sei hamosu dezentendimentu entre komunidade sira.

 “Ami komunidade QB (Kintal Boot) husu ba prezendente CNRT, Kay Rala Xanana Gusmão atu lalika mai iha QB, tanba ami komunidade moris ho hakmatek, grupu oan ne’ebé atu konvida ita boot ne’e buka de’it buat rahun (osan), projetu no kargu politiku karik”, dehan Porta Voz Komunidade Kintal Boot, Manuel Metan Correia liuhusi konferensia imprensa iha Kintal boot, sesta (10/02).

Nia rekomenda, dalan di’ak atu evita problema entre joven sira mak bolu grupu ki’ikoan iha Kintal Boot ne’e ba iha sede partidu CNRT mak bele fo servisu ba sira.

“Hodi evita konflitu entre jovens sira iha QB hanesan mós bairu iha fatin seluk, se ita boot hadomi duni povu ida ne’e liu-liu ami komunidade iha QB lakohi terus, tanba grupu oan ne’e konvihda ita boot hodi halo afiliasaun ou ba adere CNRT ne’e, posibilidade bele vota ou mos la vota ba CNRT ami hatene malu momoos no borus”, nia haktuir.

Tanaba, komunidade Kintal Boot, Suku Santa Kruz nu’udar baze ASDT- FRETILIN desde tinan 1974 to’o ohin loron, maibé grupu oan balun ne’ebé halo afiiliasaun ba CNRT, depois sira husu ba prezidente CNRT atu marka prezensa.

Komunidade Kintal Boot desizaun husi grupu balun ne’ebé afilia ona ba partidu CNRT, maibé la hatudu aan, ohin mak foin hatudu aan, tanba sira la manan Programa Cesta Bazika ne’ebé oitavu governu oferese ba povu.

“Ami komunidade haree katak, maluk grupu oan ne’e hakarak halo problema entre partidu Politiku no lideransa sira”, nia hatutan.

Grupu oan ne’ebé hakarak afilia ba Partidu CNRT ne’e, hakarak realiza serimonia afiliasaun iha loron 11 fulan-fevereiru tinan 2023, tanba ne’e sira konvida Prezidente Partidu CNRT, Kay Rala Xanana Gusmão, maibé komunidade husu atu prezidente labele ba hodi evita problema iha suku no bairu laran. (*)