Print this page

MJ Forma Ekipa Fasilita Sertidaun RDTL ho BI Gratuita ba Sidadaun iha Terrenu

By January 31, 2023 1071
Ministru Justisa, Tiago Amaral Sarmento. Ministru Justisa, Tiago Amaral Sarmento. Foto Suplay

Tempotimor (Dili)-Ministériu Justisa (MJ) forma ekipa tolu hamutuk ho Diresaun Nasionál Rejistu Notariadu (DNRN) no UNICEF hodi tun ba terrenu produz sertidaun RDTL no Bileti Identidade (BI) gratuita ba sidadaun sira iha territóriu Timor laran tomak.

"Polítika ida atu establese ekipa tolu sei tun direita dala ida ba terrenu ho ekipa ida MJ ho DNRN hamutuk ho ajensia internasionál UNICEF, atu atende sertidaun nasimentu RDTL no biliti de idantidade BI, sidadaun sira ne'ebé seidauk hetan", dehan Ministru Justisa, Tiago Amaral Sarmento hafoin sorumutu ho Primeiru Ministru, Taur Matan Ruak iha Palasiu Governu, tersa (31/01).

Funsionáriu notaradu sei tun ba terrenu durante loron 12 ba destaka iha kada postu administrativu no Munisípiu atu imprime sertidaun RDTL no BI ho gratuita ba sidadaun hotu, tanba tinan 20 ona sidadaun barak seidauk iha sertidaun.

"Tanba sidadaun hotu-hotu hahú husi bebe oan ne'ebé foin moris iha diretu atu hetan sertidaun moris no BI ho gratuita no la bele selu, la bele sosa no fó osan", dehan MJ.

Karik ema ruma husu fali osan atu trata dokumentu sira ne'e halo favor informa lalais ba Ministru Justisa atu foti asaun.

Atividade ne’e, ekipa sei koopera ho Ministériu Administrasaun Estatal (MAE), Administradór/a kada Postu Administrativu no Munisípiu.

Ekipa ne’e, kada postu ida ema na’in 10, tanba ida tama konta ba bee, komputador, ahi, imprime no atendementu rejista ema. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items