Login to your account

Username *
Password *
Remember Me

2023, SEFOPE sei Haruka Timoroan Rihun 9.500 ba Servisu iha Korea no Australia

Diretór Diresaun Nasionál Empregu Exteriór (DNEE), Filomeno Soares. Diretór Diresaun Nasionál Empregu Exteriór (DNEE), Filomeno Soares. Foto Suplay

Tempotimor (Dili)-Tinan 2023, Sekretária Estadu Formasaun Formasaun Profisionál no Empregu (SEFOPE) liu-husi Diresaun Nasionál Empregu Exteriór (DNEE) sei haruka Timoroan hamutuk ema rihun 9.500 ba servisu iha Korea Súl no Australia.

Planu ne’e, SEFOPE atu haruka Timoroan na’in rihun 1.500 ba Korea Súl no na’in rihun 8.000 ba Australia.

Tuir informasaun www.tempotimor.com asesu iha pajina ofisiál SEFOPE-Diresaun Nasionál Exterior loron (20/01) katak, iha tinan 2022 susesu boot ne’ebé ekipa husi DNEE halo mak, tuir Memorandum Intendimentu ne’ebé Governu Korea Súl fó ba Timor-Leste kada tinan haruka Timoroan ba servisu iha Korea Súl ema na’in 500, maibé iha tinan 2022 hó lideransa Sekretáriu Estadu SEFOPE no Diretór Jerál sira, konsege haruka joven hamutuk 1.160 ba hetán empregu iha Korea Súl.

Diretór DNEE, Filomeno Soares, afirma, SEFOPE planeia kada tinan haruka traballadór ba servisu iha Australia hamutuk 1.500 to’o 2.000, maibé iha tinan 2022 konsege haruka joven Timoroan  hamutuk 3.514, nune’e liu trajetu ne’eb’e iha.

Tanbá ne’e, iha tinan 2023 SEFOPE liu-husi DNEE iha planu sei haruka joven Timor-oan ba servisu iha Korea Súl hamutuk 1.500 no ba Australia 8.000 no sei espanda tán ba Japaun tinan ne’e haruka 50 sai hanesan pilotu.

SEFOPE hamosu planu ne’e, hafoin realiza semináriu hodi halo reflesaun ba atividade Diresaun Nasionál Empregu Exteriór ba tinan 2022 hamutuk hó Ministériu relevante no ajensia internasionál sira hodi deskuti kona-ba saida mak atinji ona iha tinan 2022 no saida mak persiza hadi’a iha futuru. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter