Login to your account

Username *
Password *
Remember Me

Ekipamentu ba Reabilitasaun Estrada Kelikai-Nahareka iha ona Dalan

Ministru Obras Públiku (MOP), Abel Pires. Ministru Obras Públiku (MOP), Abel Pires. Foto Suplay

Tempotimor (Díli)-Ministru Obras Públiku (MOP), Abel Pires hatete, ekipamentu ba reabilitasaun estrada husi estrada diresaun husi Suku Waiaca, Postu Administrativu Kelikai, Munisípiu Baukau liga ba Suku Nahareka, Postu Administrativu Ossu, Munisípiu Vikeke, dadaun iha dalan ona.

Kompaña Internasionál ho naran CICO husi Empreza Chines ida, maka sei responsabliza ba projetu ne’e, nune’e dadaun kompaña mós halo ona identifikasaun oinsá atu foti rai henek no fatuk iha fatin ne'eba.

Projetu reabilitasaun ba estrada ne'e ho nia distánsia hamutuk 22.7 km, ne'ebé kompostu husi aspal metru haat (4), alarjamentu metru ida (1) no ninia ombru metru rua (2), no orsamentu ba implementasaun hamutuk miliaun US$16.5.

Projetu ne’e, Primeiru Minístru (PM), Taur Matan Ruak ofisialmente lansa ona fatuk dahuluk iha loron 09 fulan-dezembru tinan 2022.

"Ha'u iha komunikasaun diáriamente ita-nia tékniku sira no mós lista projetu husi kompaña ne'e, ita agradese prosesu ne'e la'o hela, tanba la iha impedementu husi komunidade sira", dehan nia hafoin sorumutu ho Primeiru Ministru, Taur Matan Ruak iha palasiu governu, (20/01).

Nune’e, ohin MOP hato’o ona progresu ba reabilitasaun estrada refere, Primeiru Ministru, Taur Matan Ruak.

"Ha'u hato'o progresu estrada Laga, Baguia, Kelikai, no mós progresu tenderizasaun ba estrada foun sira hanesan iha Manatutu ba Laclo no Maliana vila", nia afirma.

Prosesu pagamentu indiminizasaun ba komunidade afeitadu ba prosesu reabilitasaun estrada ne'e la'o hela, osan transfere ona ba BNCTL atu ajuda halo pagamentu.

Primeiru Ministru mós fó orientasaun kona-ba manutensaun estrada liuliu atu fasilita eleisaun parlamentár ne'ebé sei akontese iha tinan 2023, tanba ne’e, MOP sei tau prioridade ba manutensaun estrada iha Timor-Leste. 

"Bazeia ba orientsaun husi nain Primeiru Ministru, Taur Matan Ruak, tau atensaun makaas tebes ba manutensaun ba estrada iha territóriu Timor laran tomak, entaun ekipa ba tiha ona halo sorvey dadus foti hotu ona, iha pakote tolu Gleno ba Letefoho, Ermera vila no Hatulia, ne'e ita sei uza téknolojia foun hodi halo manutensaun ninia totál la to'o Millaun ida", dehan nia.

Parte ekipa tékniku mós ba ona Sarae no Kasa atu halo manutensaun iha ne'eba, no iha Munisípiu Vikeke ba Natarbora, MOP sei asina kontratu atu halo manutensaun.

"Horsida ha'u sei asina kontratu ho kompaña, ita hein katak parte ne'eba sei hadi'a, ha'u mós fó ona orientasaun oinsá prepara atu halo manutensaun ba estrada iha Munisípiu Vikeke ba Natarbora to'o Betano", nia afirma.

Alende ne’e, halo manutensaun ba estrada husi Letefoho ba Hatubuiliku, kompaña manán na’in iha ona.

"Ami mós halo dialogu ho komunidade sira iha Letefoho atu halo lansamentu iha dalan husi Letefoho ba Hatubuiliku kontinua liga ba Aitutu ne'e dezeñu ita prepara hela", nia informa.

Dezeñu iha ona hein halo ajustamentu atu ADN bele halo verifikasaun, no sei hein manutensaun estrada husi Gleno ba Letefoho. (*)

 

Rate this item
(0 votes)
Last modified on Friday, 20 January 2023 15:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter