Print this page

SEAK sei uza Dekretu Lei Kondena Ema Duplika Tais Timor

By January 19, 2023 706
Produsaun Tais Timor. Produsaun Tais Timor. Foto Suplay

Tempotimor (Dili)-Sekretária Estadu Arte no Kultura (SEAK), dadaun halo ona preparasaun ba dezimisaun Dekretu Lei kona-ba direitu autor, atu kondena ema ne’ebé duplika ka kopia produtu tais Timor nian.

Tanba, promulga tiha ona husi Presidente Repúblika, Ramos Horta iha loron 28 fulan-dezembru tinan 2022, no hein de’it atu halo deziminasaun hodi implementa.

"Ami mós prepara ona dekretu lei ida atu bele ajuda, liu-liu espesifikamente kona-ba tais nian, tanba tais rejistu ona iha UNESCO fó rekoñesementu, no Parlamentu Nasional fó ona rezolusaun ida, eh governu mós hasai ona rezolusaun ida, entaun ami prepara dekretu lei ida atu haree kona-ba tais sira, se mak duplika tais sei uza lei ida ne'e atu kondena nia", dehan SEAK, Teófilo Caldas hafoin sorumutu ho Primeiru Ministru, Taur Matan Ruak iha palasiu governu, kinta (19/01).

Maibé SEAK sei halo deziminasaun ba Lei ne’e durante loron 180 nia laran, bainhira envigór ona foin bele uza hodi kondena ema.

"Hafoin deziminasaun lei ne'e liu ona 180 dias mak foin bele implementa, signifika liu tiha loron 180 ita bele kondena ona ema sira ne'ebé falsifika ka duplika ita nia produtu lokal tais ne'e", nia esplika.

Nune’e, dadaun Ministériu Ensinu Superior Siénsia no Kultura (MESSK), Ministériu Turizmu Komersiu no Industria (MTKI) no Sekretária Estadu Arte no Kultura (SEAK), hahú ona planu atu halo abertura ba deziminasaun Dekretu Lei direitu ba autór. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items