"Uluk seidauk sai ba empreza Públikas (EP) ne'e kapás loos agora aat liu, tanba funsionáriu sira ba kontrola ahi ne'e uza de'it kareta Grand Max ne'e mak problema", dehan nia iha Parlamentu Nasionál, tersa (17/01).
Tanba, tuir nia hatene Kareta Grand Max ne'e halai iha sidade laran, la'ós uza fali ba kontrola eletrisidade iha ai-laran, se nune’e di'ak liu uza motor ho marka Mio de'it.
"Ba kontrola ahi ho Grand Max, nusá la bá ho mio de'it lalika bá buka merik ba aprende tan lai", hatutan nia.
Alende ne'e, Deputada CNRT, Fernanda Lay mós lamenta ho funsionáriu EDTL ne'ebé serbisu la'o la loos.
"Pessoal EDTL ba kontrola ahi depois de 5 oras eh husu fali ita la’o ba ense pulsa sera ke EDTL la halo treinamentu ba nia staff sira", nia lamenta.
Maibé, la hatene dadauk ema uza de'it telemovel bele ense ona pulsa EDTL, maibé la presiza la'o tan.
"Tanba ne'e mak Ministru fo hatene ba EDTL ne'e serbisu loloos ba", hatutan nia. (*)
