Print this page

Autoridade Baukau sei Implementa Projetu 3 iha 2023

By January 16, 2023 463
Prezidente Autoridade Munisípiu Baukau, Olivio Freitas. Prezidente Autoridade Munisípiu Baukau, Olivio Freitas. Foto Tomas Freitas

Tempotimor (Baukau)-Autoridade Munisípiu Baukau, sei implementa projetu hamutuk 3 liuhusi Programa Dezenvolvimentu Munisípal Integradu (PDIM) iha tinan-2023.

"Projeitu 3, ida edifisiu ba patrimoniu lojistiku, salaun edukasaun Munisípal ida mak edifisiu Postu Administrativu Baukau nian", dehan Prezidente Autoridade Munisípiu Baukau, Olivio Freitas iha salaun apuramentu, Segunda (16/01).

Tanba, dadaun iha ona faze aprovizionamentu hein atu loke tenderizasaun hafoin kompañia manan na'in sira hahú servisu iha tempu badak.

Prosesu aprovizionamentu maske tarde, maibé tenke tuir prosesu, tanba orsamentu ba projeitu, osan povu nian, tenke ezekuta ho di'ak.

"Aprovizionamentu la'o hela, prosesu difisil oituan, maibé tenke la'o neneik, sala oituan Becora bolu", nia hatete

Razaun, Autoridade Baukau prioridade ba projetu 3 refere, tanba edifisiu ba lojistu patrimoniu estadu nian importante atu aségura sasan estadu nian, nune'e mós salaun edukasaun Munisípal nian, tanba fatin ne'ebé atu transforma ema hodi dezenvolve Timor iha futuru.

Alende ne’e, edifisiu Postu Administrativu Baukau nian, lei difini ona, estadu tenke aségura obras ne'ebé nasaun okupante sira, hanesan, Portuguesa no Indonezia husik hela iha Timor.

"Importante, tanba ida ba partimoniu lojistiku sasan ne'ebé iha fatin atu aségura laiha, dala ruma tau fali iha servisu fatin, ida fali edukasaun nian mós  nia funsionáriu barak, atu eduka ema sai ema mais nia fatin la di'ak, iha fali administasaun postu nia mós prinsipal, ita tenke aségura obra sira ne'ebé husik hela", nia afirma

Entretantu, lista ba projeitu PDIM tinan-2023, ne'ebé jornalista www.tempotimor.com asesu hamutuk 5, ho totál orsamentu US$292.647, maibé projeitu ida ho estatus reaprorea, enkuantu restu 4 seluk projeitu foun.

Projetu foun mak hanesan, konstrusaun ki'ik ba jardim no estensionamentu iha salaun apuramentu Munisípiu Baukau, ho orsamentu US$6.210, kontrusaun edifisiu partimoniu no lojistiku ho orsamentu US$56.541, konstrusaun edifisiu edukasaun Munisípal Baukau ho orsamentu US$135.762, reabilitasaun edifisiu eis Administrasaun Públiku ba Postu Administrativu Baukau Vila ho orsamentu US$58.000, inklui projeitu (reaproprea) konstrusaun moru hale'u merkadu foun Tuanau ho orsamentu US$36.134. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items