"Tuir mai aprova mós projetu Dekretu-Lei, ne’ebé aprezenta husi Ministru Finansas, Rui Augusto Gomes, kona-ba Kriasaun Komisaun Nasionál Aprovizionamentu (KNA), I.P, no aprova ninia estatutu rasik, ita boot sira hatene katak, Komisaun Nasional Aprivizionamentu iha Ministériu das Finansas", dehan Ministru Prezidensia Konsellu Ministru (MPKM), Fidelis Leite Magalhaes iha Palásiu Governu, Kuarta (11/01).
Tanba, hafoin liu tiha dékada ida dezde kriasaun Komisaun Nasionál Aprovizionamentu no haree ba volume no kompleksidade prosedimentu aprovizionamentu ne’ebé halo husi KNA, nune’e presiza atu aumenta kapasidade jestaun no autonomia KNA nian atu hasa’e efisiénsia no efikásia aprovizionamentu nian iha setór públiku administrativu no kapasidade resposta KNA nian.
"Atu halo aprovizionamentu ne'ebé di'ak liu iha autonomia rasik no iha no iha kapasidade forte liu hodi halo ezekuta ninia kna’ar halo la'o ho aprovizionamentu presiza atu muda sai institutu públiku ida ho ida ne'e maka harii ona CAN,IP", dehan nia
Haree mós ba Dekretu-Lei númeru 22/2022, loron 11 fulan-maiu, alarga ona atribuisaun Komisaun Nasionál Aprovizionamentu, ne’ebé importante tebes atu adapta natureza no rekursu husi ninia tarefa ne’e, liuhusi transformasaun ema koletiva públika ida, ho forma institutu públiku nian. (*)