Print this page

MOP Prontu Apoiu MPM Aselera Projetu Tasi-Mane

By January 11, 2023 8367
MOP, Abel Pires da Silva, ho MPM, Victór da Conceição Soares hamutuk ho ekipa tékniku sira hala’o hela enkontru iha Gabinete MPM, Fomentu Dili. MOP, Abel Pires da Silva, ho MPM, Victór da Conceição Soares hamutuk ho ekipa tékniku sira hala’o hela enkontru iha Gabinete MPM, Fomentu Dili. Foto Suplay

Tempotimor (Dili)-Ministru Obras Públikas (MOP), Abel Pires da Silva, prontu halo kordenasaun servisu ho Ministru Petróleu Minerais (MPM), Victór da Conceição Soares, hodi fasilita aselera projetu sira iha Tasi-Mane, perfurasaun mina iha Munisípiu Kovalima.

Tuir informasaun ne’ebé www.tempotimor.com asesu iha pájina gabineti Ministru Obras Públikas (MOP), Abel Pires da Silva katak, loron 10 fulan-janeiru tinan 2023, MOP ho MPM hala’o ona reuniaun iha salaun reuniaun Gabinete MPM, Fomentu Dili, hodi ko’alia kona-ba kordenasaun servisu.

Reuniaun ne’e, ko’alia liu kona-ba oinsá halo kooperasaun di’ak iha área servisu tékniku liga ho infraestrutura bázika iha Munisípiu Kovalima ne’ebé prejudika prosesu perfurasaun mina iha parte Tasi-Mane liuliu prejudika atividade Timor Gap nian.

"Agradese ba ita-boot sira-nia aprosimasaun, Ministériu ida-ne’e Ministériu tekníku ne’ebé atu serví Ministériu sira hotu no mós ita-nia povu sira liuhosi fornesimentu fasilidade báziku hanesan estrada, ponte, eletrisidade, bee-moos, edifikasaun no ba ida-ne’e ha’u hanoin, ita tuur hamutuk para tekníku sira tau iha meja ita foti desizaun, depois sai ba bele rezolve ona situasaun ne'ebé dada tempu”, dehan MOP

Tanba, parte tékniku, Diretór Nasionál Edifikasaun (DNE), Lino Pereira, prontu atu apoiu servisu sira ne’ebé liga ho servisu infraestrutura liuliu edifikasaun.

Reuniaun ne’e partisipa husi Ministru MOP, Ministru MPM, Diretór Timor Gap, DNE, inklui tékniku sira DNE no Gabinete MOP no MPM. (*)

 

 

 

Rate this item
(0 votes)
Last modified on Wednesday, 11 January 2023 16:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items