Alterasaun dahuluk ba Dekretu-Lei númeru 23/2014, loron 3 fulan-setembru, ne’ebé aprova Estatutu ba Institutu Nasionál Siénsia no Teknolojia (INCT).
“Objetivu husi diploma ida-ne’e, atu armoniza Dekretu-Lei númeru 23/2014, loron 3 fulan-setembru, ne’ebé aprova Estatutu INCT, ho Dekretu-Lei n.30/2020", dehan Ministru Prezidensia Konsellu Ministru (MPKM), Fidelis Leite Magalhaes iha Palásiu Governu, Kuarta (11/01).
Alterasaun dekretu lei Dekretu-Lei númeru 23/2014, loron 3 fulan-setembru ne'e aprezenta husi Ministru Ensinu Superior Siénsia no Kultura (MESSK), Longuinhos dos Santos.
Projetu ne’e prevee mós ba kriasaun komisaun étika foun no diresaun nasionál foun sira no mós sira nia unidade peskiza ida-idak.
Nunee’e. sei adekuasaun ne’ebé di’ak liu atu kontinua halo ninia kna’ar sira ba defeza siénsia no dezenvolvimentu Timor-Leste.
Alende ne'e, Konsellu Ministru mós halo Alterasaun dahuluk ba Dekretu-Lei númeru 22/2016, loron 22 fulan-juñu, ne’ebé aprova Rejime Jurídiku kona-ba Depózitu legál publikasaun iha Timor-Leste.
Projetu diploma ne’e, atribui ona ba Institutu Nasionál Siénsia no Teknolojia responsabilidade ida, ho forma tranzitória ka temporária, hodi jere Servisu Depózitu Legál bainhira Biblioteka Nasionál Timor-Leste la hahú ninia funsionamentu ho efetivu. (*)