"Iha situasaun sira hanesan ne’e, ha’u hanoin parte ida ita nia lei mak tenki haree fali, ba ema ne’ebe kaer kro’at hodi hakotu ema seluk nia vida kastigu ba nia tenki todan, hukuman mati ba autor ne’e, nune’e ema hotu bele tauk", dehan nia iha kna’ar fatin Faról, tersa (10/01).

Tanba, jeralmente iha Munisípiu Díli, ema halo viajen kalan hala’o nini atividade trauma maske direitu fundamentu ema hotu-hotu nian atu la’o livre.

"Ema ho konsiensia ne’e la iha ona, agora maioria ema la iha konsiensia no moral oinsa atu responsabiliza nia maluk sira seluk atu la’o livre tenki simu nia konsiensia liu husi aplikasaun lei sira ne’e", nia afirma.

Nia mós konsidera joven sira kontinua oho malu ka komete lei tráfiku umanu, tanba menus responsabilidade husi inan ho aman sira oinsá orienta oan sira atu hanoin ba futuru.

"Responsabilidade família m’os dala ruma la iha, tanba iha família ida tenki hatene malu ne’ebe hela permanente hamutuk iha uma ida, tenki hatene kalan ne’e toba iha ne’ebe, nia iha neebe ona, no halo saida ho se, nune’e bele kontakatu nia haruka fila uma, fo hanoin nia keta kria problema ruma, tanba sei iha implikasaun ne’ebé la di’ak iha família laran", nia argumenta.

Liga ba kazu omesidiu ne'ebé akontese sona ema iha Delta no inklui iha Ponte BJ Habibie, sai amiasa ba ema estranjeiru ne’ebé hakarak vizita mai Timor-Leste hodi pasa ferias, tanba ema senti la iha seguransa ne’ebe di’ak, tanba ne'e Polísia Nasionál Timor-Leste (PNTL) kontinua intensifika  patroilamentu iha kapital Dili hapara joven kria instabilidade iha Munisípiu Díli. (*)