"Kona-ba Cesta Bázika ita iha pursentu 96, tanba kompaña 29 resin mak termina ona pagamentu, sei hela 50 resin, tanba kompaña hamutuk 79", dehan Sekretáriu Estadu Kooperativa (SEKOOP), Elizário Ferreira iha Salaun Federasaun Hanai Malu FHM, Bairu-Pité, Segunda (09/01).
Dadaun kompaña ne'ebé seidauk konklui pagamentu sei kontinua hala'o Distribuisaun iha nivel suku sira.
"Ne'e kompaña sira mak sei buka hela produtu hodi halo empakotentu mak sei lori ba ne'ebá", nia afirma.
SEKOOP mós nafatin motiva agrikultór no organiza populasaun sira atu kontinua produz ai-han, maske Programa Cesta Bázika sei hotu, tanba governu kontinua kria merkadu ba produtor sira.
"Kontinua motiva, tanba merkadu lubuk ida mak Parte Sekretária Estadu Kooperativa identifika e oferese ba povu katak, nafatin kuda, tanba merkadu ba ita boot sira sei iha nafatin", nia konklui. (*)