Print this page

SEKOOP Asina MoU ho KOICA ba Hasa'e Produsaun Ai-han iha TL

By January 09, 2023 666
SEKOOP, Elizário Ferreira ho Péritu Kooperativa Koreanu, Jongick Jang asina hela MoU iha Salaun FHM, Bairu Pité Segunda, (09/01). SEKOOP, Elizário Ferreira ho Péritu Kooperativa Koreanu, Jongick Jang asina hela MoU iha Salaun FHM, Bairu Pité Segunda, (09/01). Foto Tempo Timor

Tempotimor (Dili)-Sekretária Estadu Kooperativa (SEKOOP) asina Memorandum of Understanding ho Korea International Cooperation Agency (KOICA) husi Korea atu fo formasaun Agríkola ba dirijente sira iha Sekretária Estadu Kooperativa liuhusi projetu HADALA atu hasa'e produsaun ai-han iha rai laran.

"Nota entendimentu ne'e durasaun tinan lima atu bele asegura, agrikultór sira bele koñese didiak sira nia área atu bele kontribui ba hasa'e ai-han produsaun ba rai laran”, dehan Sekretáriu Estadu Kooperativa (SEKOOP), Elizário Ferreira iha Salaun Federasaun Hanai Malu iha Bairu Pité Segunda, (09/01).

Nune’e, nota entendimentu ne’e, sei bele renova bainhira iha nesesidade presiza, no hahú iha tinan 2023 halo kooperasaun ho KOIKA ba área formasaun e liu-liu reforsa área agrikula ba dirijente sira no populasaun hotu-hotu ne'ebé opera iha agrikola.

Tanba ne'e, Korea International Cooperation Agency (KOICA) liuhusi projetu HADALA sei fo formasaun ba fasilitador sira atu iha koñesimentu sufisiente ba iha área produsaun, no liuhusi projetu ne'e atu melloramentu Kadeia de Valor Agríkola liuhusi partisipasaun Agrikultór sira iha Timor-Leste.

"Nune'e sira bele organiza motiva, no liu-liu halo formasaun dirijente Kooperativa sira inklui estabele Kooperativa Produsaun iha área produtivu sira atu bele kontribui ba dezenvolvimentu ai-han ka aumenta iha ita nia rai laran atu asegura, ai-han iha kualker saida de'it, ida ne'e mak objetivu", nia afirma.

Bainhira remata formasaun, KOICA hamutuk ho ekipa formador sira sei halo servisu parte rejiaun hanesan Aileu, Ainaro, no Likisa.

Alende ne’e, Péritu Kooperativa Koreanu, Jongick Jang ne'ebé mós reprezentante meneger projetu HADALA hatete, sei hala'o serbisu hahú iha rai klaran liu-liu ba área Kooperativa produsaun sira.

"Ba Setór Agríkola sei estabelese no opera koperativa sira iha rejiaun mak hanesan, Aileu - Faularan, Ainaro - HoraiQuic no Likisa Camare - Hohoru", dehan nia.

Dirijente sira ne'ebé tuir formasaun hamutuk ema na'in-20 no durasaun durante loron-tolu. (*)

Rate this item
(1 Vote)
Last modified on Monday, 09 January 2023 16:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items