Print this page

Gasta Rihun $153 ba Eventu 12N, Familia Hamriik Iha Loron Okos

By November 12, 2019 2795
Dignitarius sira tuur hela iha tenda okos durante komemorasaun aniversariu masakre 12 Novembru iha Santa Cruz Dili (12/11) Dignitarius sira tuur hela iha tenda okos durante komemorasaun aniversariu masakre 12 Novembru iha Santa Cruz Dili (12/11) foto tempotimor.com

Tempotimor (Dili)-Komisaun Organizadora ba selebrasaun Masakre Santa Kruz ba tinan 28 gasta orsamentu hamutuk rihun $153, maibé familia sobrevivente ne’ebé partisipa iha serimonia refere barak mak sei hamriik iha loron okos.

Sobrevivente Masakre Santa Kruz Basilio da Conceicão Silva deklara ninia tristeza ho preparasaun Komisaun Organizadora ba eventu ida ne’e.

"Ami sente la satisfaz ho buat sira hanesan ne'e tanbá momentu komemorasaun mak entre ami sobrevivente de’it buat ne'e sei la’o di’ak," dehan Basilio ba Tempotimor iha Semiterio Santa Cruz, Tersa (12/11/2019).

Maibé, nia hatutan, mosu Komisaun Organizadora (KO) husi governu ne’ebé serbisu la tuir buat ne’ebé promete ona.

“Ami la satisfas ho situasaun ne'e tanbá komisaun dehan sediakan fatin ba ami, to'o ohin loron ami mai iha Santa Kruz laran nafatin ami mai hanesan fali bainaka laos na’in ou autor ba masakre ida ne’e,” nia hatete.

Tuir observasaun husi Tempotimor, durante selebrasaun ne'e KO prepara de’it kadeira menus husi 400. Enkuantu familia subserviente sira kuaze 700, inklui komunidade lubuk ida mak partisipa iha eventu ne’e.

Selebrasaun ne'e hetan partisipasaun husi Prezidente Republika Francisco Guterres Lu Olo ho espoza, Prezidente Parlamentu Nasional Arão Noe, Xefe Estadu Maior Jeneral F-FDTL Maijor Jeneral Lere Anan Timur, membru governu no deputadu balun.

Molok ne’e, iha ninia diskursu badak, Prezidente KO, Isolino Vaz de Alegria informa katak ba komemorasaun Masakre Santa Kruz iha tinan ne’e aloka orsamentu hamutuk rihun $153.

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items