Nune’e, Ministru Asuntu Parlamentar no Komunikasaun Sosiál, Francisco Martins da Costa Pereira Jerónimo hato'o agradese ba funsionáriu sira hothotu ne'ebe halo ona esforsu makas hodi atinje progressu servisu  liu ninia tarjetu planu anuál iha tinan 2022.

"Dala ida tan, agradese ba hothotu ninia kontribuisaun iha 2022, ne'ebe fo konkluzaun makaas ba progressu ita-nian, eh iha programa balun ho ita-nia planu anuál iha 2022 ne'e balun liu tiha trajetu", nia afirma iha prosesu avaliasaun anuál, iha delta nova, kuarta (21/12).

Tanba, tuir planu iha 2022, iha programa balun hanesan naroman ba Suku, hakarak implementa iha Suku haat ka lima de'it, maibé dalaruma liu tiha 8 ho 9.

"Formasaun ba munisípiu sira ita hakarak to'o de'it iha munisípiu 4, maibé ita to'o tiha 6, liu tiha, buat sira ne'e, tanba ita-boot sira-nia kontribuisaun hakarak lalais halo servisu ida-ne'e", nia hatete.

Maske, iha servisu balun, ne’ebé ekipa inspensaun sira halo, presiza hadi'a tán, liliu iha prosesu kooperasaun, signifika buat ne’ebé iha tinan 2022 ladun di’ak, tenke hadi'a di'ak liutan iha 2023.

"Ha'u hanoin avaliasaun ida-ne'e nu’udar avaliasaun ida-ne'ebe ikus, ne'ebe ho ita-boot sira", nia salienta.

Tanba ne'e, fo mensajen katak, ministru hirus atu hatun funsionáriu sira-ne'e laloos.

"Ha'u hirus ko’alia makas liutan atu haree reasaun ita-boot sira-nian ne'e saida, ita-boot sira atu halo saida iha tinan oin, tanba polítiku ne'e tinan-lima hotu ba ona, maibé funsionáriu ne'e permanente iha ministériu, a nao ser  imi kontinua nafatin hanesan ohin ita dehan, lakohi mai ne'e diresaun sira la serve ne'e hasees tiha", nia haktuir.

Iha prosesu konstrusaun estadu no bainhira haree fali ba kotuk Timor-Leste sei adopta analog de’it, ne’e duni iha hanoin atu buat hotu dijital lalais, maibé dalaruma dijital mós halo ema sai baruk hakarak iha uma de’it, tanba instalasaun dijital ne'e fasil atu obriga informasaun ki'ik ka boot lalais.

Purtantu iha tinan 2022, Ministeriu Asuntu Parlamentar no komunikasun sosial mós halo ona sasan lubuk ida, hahú husi kada diresaun ho ida-idak nia servisu, maibé atinjimentu ne'ebe halo no ezekuta orsamentu ne'e neutral, la'os at liu, la'os di'ak liu.

Tanba ne'e, rezultadu saida, fíziku saida, noun fiziku mak saida, kooperasaun ho média sira halo nusa, servisu ho kominidade halo nusa, atinjimentu ho suku sira oinsá, ida-ne'e presiza mos haree hotu iha prosesu avaliasaun.

Felismente konkluzaun konkretu ida mak uluk sempre hanoin RTTL bainhira mak harii nomos hari tore 12 iha tinan 2022-2023 tenke hotu, maibé saida mak akontese, mosu fali dezafiu boot.

Enkuantu, hanoin kona-ba instalasaun set box iha 2021-2022, ida-ne'e konsege remata instalasaun ba rihun tolu-nulu-resin ba munisípiu 4.

Rezultadu no dezafiu hirak-ne'e, parte MAPKOMS iha esperansa ida katak, husi enkontru avaliasaun ida-ne'e bele fo ona hanoin ruma ba iha tinan 2023, saida mak ladiak bele hadi'ak liután.

"Ha'u iha esperansa, tanba ha'u ko'alia ba maluk ne'ebe hanesan ho ha'u, ema ho ema, ami rua ema hanesan, kakutak hanesan, atetude hanesan, kuandu ita ko'alia kona-ba povu, ita iha esperansa katak, iha tinan 2023, ita hahú halo buat ne'ebe la di'ak sai hadi'ak", nia afirma. (*)