SEKOOP, Elizário Ferreira, husu ba dirijente Kooperativa sira atu respeitu ema hotu nia ezisténsia kada relijiaun, tanba ema hotu iha Koperativa Turizmu Relijiozu Timor-Leste ho hanoin ne'ebé la hanesan.

"Ba dirijente sira tenke asegura imagen ne'ebé di'ak, tuir mai konsistensia, dirijente sira favor ida kuandu serbí anggota sira ho umidade, kuandu halo enkontru ruma dirijente sira tenke hein antes, atu sai ezemplu kuandu Empresta nia tenke selu di'ak, nune'e imi mós respeita malu, tanba imi asosiasaun husi diferensas Relijiozu, entaun presiza respeita malu, tanba iha vida umanidade la haree ba se mak barak liu no se mak oituan liu", dehan nia bá membru no dirijente Koperativa Turizmu Relijiosu Timor-Leste iha Salaun Hotel Timor, Kuarta (21/12).

Nune'e, husu mós ba membru sira atu kontinua rai osan ba koperativa ho badinas atu bele dezenvolve di'ak liu tan ba oin.

Hafoin toma posse, dirijente Kooperativa Turizmu Relijiosu Timor Leste, Liwuana Orlandu Petrus, hatete, Kooperativa ida ne'e uniku, tanba konsege halibur relijiaun hotu iha Timor-Leste hodi sai Kooperativa ida.

"Ha'u lidera Kooperativa iha Timor-Leste durante tinan 30-resin, maibé Kooperativa ida ne’e úniku, tanba konsege halibur relijiaun lima iha Timor-Leste hodi sai Kooperativa atu hadi’a sarani sira nia moris ba futuru", nia afirma.

Halibur relijiaun lima ne'ebé iha Timor-Leste mak hanesan, Protestante, Katólika, Islam, Hindu, no Budha.

Tanba, intensaun husi Koperativa Turizmu Relijiozu Timor-Leste atu atende membru no komundade sira nia nesesidade ekonómika sosial no kulturál, atu kria rendimentu empregu ne'ebé dignu ba membru sira no halakon ki'ak no injustisa ekonómia sosial. (*)