12 Novembru: Tempu ba Joven Halakon Violensia

Juventude, estudantes no ema lubun bo'ot hamutuk ho Mate Restu Masakre 12 de Novembro 1991, Santa Cruz selebra loron eroiku juventude ninian  iha rate Santa Cruz (12/11) Juventude, estudantes no ema lubun bo'ot hamutuk ho Mate Restu Masakre 12 de Novembro 1991, Santa Cruz selebra loron eroiku juventude ninian iha rate Santa Cruz (12/11) foto tempotimor.com

Tempotimor (Dili) -Iha 12 Novembru tinan 28 liu ba, juventude Timor Leste kaer liman hodi hakat hasoru kilat musan nia kroat, la preokupa ho raan ne’ebé sulin husi sira-nia isin lolon bainhira kilat-musan ne’ebé manas borus.

Iha 12 Novembru 1991, joven Timor Leste hatudu ninia unidade, sakrifisiu no dedikasaun atu hakotu korente kolonializmu.

Maibé, hafoin ukun rasik an, joven Timor Leste hahú fahe malu. Fator boot ne’ebé hafahe joven sira ne’e mak grupu ka organizasaun artemarsiais.

Liu husi selebrasaun Masakre Santa Kruz ba tinan 28, Prezidente Komite 12 Novembru Grigorio Saldanha husu ba juventude sira atu hadook an husi violensia hodi bele kontribui ba dezenvolvimentu nasaun nian.

"Husu ba juventude no estudante sira respeita lei no orden i hapara ona violensia tanba envolve violensia iha buta tolu ne'ebé ita sempre hetan: ba ospital, tama kadei, no mate," dehan Grigorio liu husi nia deskursu iha semiteriu Santa Kruz, Tersa (12/11/19).

Tuir nia, juventude mak hanesan luta kontinuador no xave ba dezenvolvimentu tan ne'e presiza hakribi ona violensia.

Bainhira juventude envolve an iha violensia ne’ebé ikus mai hetan kanek no mate, Timor Leste lakon no familia hotu triste.

"Ita-nia eroi sira-nia mate hodi hetan ukun rasik an, agora juventude kontinuador sira presiza valoriza sira-nia mate liu husi kontribui ba prosesu dezenvolvimentu nasaun Timor Leste nian," nia apela.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com