"Ami informa hotu ona ba sira kona-ba problema tékniku ne'ebe akontese iha terenu liliu relasiona ho ai-hán ne'ebe la dun di’ak nomos nia item la kompletu", dehan bainhira reprezenta governu iha plenaria PN, segunda (19/12).
Maibé Ministeriu Asuntu Parlamentar no Komunikasaun Sosial mós informa ona ba PN iha semana hira liubá katak, parte governu la hakfodak kona-ba problema Cesta Bázika.
Tanba, bainhira kompaña sira tun ba distribui Cesta Bázika iha terenu, hetan akompaña masimu husi entidade importante sira hanesan PDHJ, KAK, AIFAESA, Sosiedade Sivil, inklui funsionáriu sira kada Ministériu reponsavél Cesta Bázika, ne'ebe sira rasik mos sei halo relatoriu atu aprezenta ba ministériu. (*)