Login to your account

Username *
Password *
Remember Me

PM Taur Lansa Fatuk Dahuluk ba Reabilitasaun Estrada Kelikai-Ossu

PM, Taur Matan Ruak ofisialmente lansa hela fatuk dahuluk ba reabilitasaun estrada diresaun Kelikai ba Ossu, sexta (9/12). PM, Taur Matan Ruak ofisialmente lansa hela fatuk dahuluk ba reabilitasaun estrada diresaun Kelikai ba Ossu, sexta (9/12). Foto Tempotimor

Tempotimor (Baukau)-Primeiru Minístru (PM), Taur Matan Ruak ofisialmente lansa ona fatuk dahuluk ba reabilitasaun estrada diresaun husi Suku Waiaca, Postu Administrativu Kelikai, Munisípiu Baukau liga ba Suku Nahareka, Postu Administrativu Ossu, Munisípiu Vikeke.

Nune’e, PM Taur husu ba komunidade hotu atu kontribui ba prosesu dezenvolvimentu iha Munisípiu Baukau, liu-liu Postu Administrativu Kelikai liga ba Ossu.

"Mais importante liu ita boot sira hotu kontribui, ai horis ka fatuk oan ruma, kona to'os ho natar, kona bee dalan ruma favor ida kontribui, ha'u kontente tebes, liu-liu estrada husi Waiaca liga ba Nahareka, ne'e pasu ida importante boot loos ba Kelikai", dehan nia iha Sede Suku Abafala, Postu Administrativu Kelikai, Munisípiu Baukau, sexta (09/12).

Nune'e, Vise Minístru Obras Públikas, Nicolao Freitas mós hatete, prosesu konstrusaun ne'e hetan ona aprovasaun husi Konsellu Administrasaun Fundus Infrastrutura (KAFI), Konsellu Minístru, Komisaun Nasional Aprivizionamentu (CNA) no hetan mós vistu husi Tribunál das Contas nian.

"Kontinua kedas lori ba iha Komisaun Nasional Aprivizionamentu (CNA) hodi halo konkursu no remata iha fulan-setembru tinan 2022, hafoin ida ne'e manan na'in mai husi Empreza Internasionál ne'ebé ho naran CICO husi Empreza Chines ida, Orsamentu ba implementasaun projetu ne'e hamutuk miliaun US$16.5, ohin ita hahú halo lansamentu fatuk dahuluk", nia deklara.

Obra refere sei hetan supervizaun husi konsultor internasionál ne'ebé liuhusi prosesa konkursu husi malaysia Konsultan KonsePerundim hodi halo supervizaun hamutuk rihun US$452.122.

Gerneral Manager, Chonquing Internasionál Construction Corporation (CICO), Wang Maoyang promete sei halo servisu ho di’ak ba konstrusaun refere.

"Sim ami sei halo kualidade ne'ebé aas, no ha'u promete koko halo ida di'ak nian, iha prosesu konstrusaun ne'e, no ami mak halo konstrusaun husi Dili no Ainaro nian no mós halo konstrusaun ba eskola Betano nian", afirma nia.

Projetu reabilitasaun ba estrada ne'e ho nia distánsia hamutuk 22.7 km, ne'ebé kompostu husi aspal mestre haat (4), alarjamentu metru ida (1) no ninia ombru metru rua (2) ne'ebé hahú iha tinan 2021 hodi halo preparasaun estudu hanaran details engineering design (DED), no manán na'in ba halo estudu obra refere mai husi konsultor Neeceles ne'ebé liuhusi prosesu tenderizasaun públiku. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter