Login to your account

Username *
Password *
Remember Me

SEKOOP Ezekuta OJE 2022 Atinji ona Pursentu 91

Sekretariu Estadu Kooperativa, Elizário Ferreira. Sekretariu Estadu Kooperativa, Elizário Ferreira. Foto Suplay

Tempotimor (Ainaru)-Sekretaria Estadu Kooperativa (SEKOOP) ninia ezekusaun ba Orsamentu Jerál Estadu (OJE) tinan 2022 atinji ona pursentu 91 (91%).

"Dadaun parte sekretária estadu kooperativa atinje ona 91 pursentu husi ezekusaun orsamentu 2022", dehan Sekretariu Estadu Kooperativa, Elizário Ferreira ba www.tempotimor.com iha Postu Administrativu Hato-Builico, Munisípiu Ainaru, tersa (6/12).

Tanba, ezekusaun normal atinji ona pursentu 11 no ba implementasaun programa Cesta Bázika pursentu 80.

"Kuandu 40 milloens signifika orsamentu normal ne'e US$4 miloens itál, tanba ne'e atinje 91, ne'e signifika 80 pursentu ne'e, ezekusaun real ba Cesta Bazika nian", nia relata.

Maibé, SEKOOP hanoin ona, molok termina obrigasaun sira liliu lista adisional sira ba Cesta Bázika nian presiza konklui, atu ezekusaun bele atinje tuir metas ne'ebé iha.

Tanba, distribuisaun Cesta Bázika ne'e parte sekretária estadu kooperativa mak responsabiliza hanesan na'in ba implementasaun no kompaña sira mak sai hanesan distribuitor.

Nune’e, nafatin fo atensaun ba kompaña sira ne'ebé manan na'in, atu halo distribuisaun ne'ebé di'ak e hotu-hotu bele iha diretu ba simu no asegura kualidade produtu ne'ebé simu.

SEKOOP menus pesoal, tanba ne'e koopera ho Komisaun Anti Korupsaun (KAK), Provedoria Diretu Umanu no Justisa (PDHJ), AIFAESA, atu bele akompaña prosesu prosedimentu tékniku sira.

"Agora servisu hmutuk ho PDHJ atu asegura katak, ema hotu-hotu iha diretu tenke simu produtu husi Cesta Bazika no servisu hamutuk ho AIFAESA atu asegura ema ne'ebé simu tenke ho kualidade", nia esklarese.

Tanb ne'e, iha ona Kompaña 51 mak hala’o hela servisu iha baze no segunda oin SEKOOP sei asina tan kontratu ho kompaña 28 atu termina 79 área distribuisaun, ne’ebé responsabliza husi SEKOOP.

"Ne'e sei laiha tan ona, tanba sira kuandu asina tiha kontratu hotu, ba ona iha baze, atu bele halo distribuisaun, tanba ne'e mak iha natal 2022 ne'e hotu-hotu sei simu US$200 dolar inklui mos simu Cesta Bazika eh ninia kuantidade bazeia ba agregadu família nian", nia hakotu. (*)

Rate this item
(1 Vote)
Last modified on Tuesday, 06 December 2022 18:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter