Login to your account

Username *
Password *
Remember Me

Natar Kuaze Ektar 9.000 iha Manatutu Kontinua Abandona

Irrigasaun iha Manatutu. Irrigasaun iha Manatutu. Foto Suplay

Tempotimor (Manatutu)-Komunidade agrilultór nia natar kuaze ektar 9.000 iha Munisípiu Manatutu, kontinua abandona, tanba Institutu Jestaun no Ekipamentu (IJE) seidauk normaliza irigasaun.

João de Carvalho nu’udar Agrikultor Suku Rembor, informa, ekipa IJE lori ona Excavator PC 200 Long ho Buldozer D85 ba para hela besik iha mota Rembor, maibé to’o agora seidauk halo servisu.

“Ami husu ba nai prezidente repúblika no primeiru ministru bele mai haree rasik ba povu nia natar, tanba tinan rua sira la halo natar moris susar tebes, tanba IJE lori ona ekipamentu Excavator PC 200 Long ho Buldozer D85 mai para hela iha ne’e, maibé seidauk halo servisu normaliza mota dalan”, dehan João, iha Suku Rembor, sexta (2/12).

Natar abandonadu iha Postu Administrativu Laclo hamutuk ektare 3.500, Suku Rembor ektar 1.500 no Postu Manatutu Vila ho Obrato ektare 4.000.

Nune’e, IJE presiza normaliza uluk Mota Bahadik Mota Laclo parte Labitin Ilheu, Rembor, Mota Sumasi no Natar Obrato ho Manatutu Vila.

Populasaun agrikultor sira preokupa, tanba inundasaun afeita tinan rua labele halo natar no nia impaktu ba povu hirak ne’ebé moris mukit no menus aihan tenki konsumu de’it aihan tradisionál hanesan akar no batar.

Husu ba Prezidente Repúblika, José Ramos-Horta no Primeiru Ministru, Taur Matan Ruak atu halo vizita no haree rasik kondisaun natar povu nian hodi delega ekipa Instituto de Gestão Equipamentos (IGE) urjenentemente normaliza mota dalan.

Iha fatin hanesan, Xefe Aldeia Laicore- Laclo, Sebstião Soares Cabral husu ba governu presiza halo intervensaun urjensia hosi ekipa IJE atu loke bee tama ba natar.

 “Ami ezije liu ba IJE presiza normaliza uluk Mota Bahadik, Mota Laklo parte Labitin Ilheu, Rembor, Mota Sumasi no Natar Obrato ho Manatutu Vila nian barak mak abandona”, nia preokupa.

Xefe Aldeia ne’e rekoñese populasaun sira durante konsumu de’it akar no batar, tanba sira la iha kbiit atu sosa foos,no moris dependensia dei’t ba halo natar no la iha forsa ekonomia. 

“Pasensia la halo natar, ami taa de’it akar hodi konsumu, tanba se estadu la mai rezolve, ne’e kuitadu tinan ne’e mos ami la halo natar”, nia afirma.

Fatin hanesan, Populasaun José Luis das Neves dehan, bainhira IJE la halo intervensaun, udan boot mai mota sei lori tan populasaun sira nia uma, tanba mota sobu rai rabat ona ba populasaun sira nia uma iha área Kondar nian.

“Agara ne’e mota sobu ona rai besik to’o ona populasaun sira nia uma kuaze metro neen (6) de’it, se udan mai tan uma hirak ne’e mota sei lori tan”, tenik nia.

Entretantu, Asesor Poítika Presidente Repúblika, Tomás do Rosário Cabral informa ekipa tun ona ba terrenu hodi halo monitorizasaun ba servisu ne’ebé ekipa IJE halo, maibé to’o iha terenu ekipa seidauk servisu, tanba ne’e sei aprezenta hikas preokupasaun populasaun nian ba Xefe Estadu Ramos-Horta.

Antes ne’e, Prezidente Republika, José Ramos-Horta hala’o ona dialogu ho populasaun sira hodi husu rezolve problema irigasaun, nune’e iha loron 15 fulan-juñu tinan 2022, Xefe Estadu hala’o mos enkontru ho Prezidente Institutu Jestaun Ekipamentu, Institutu Públiku (IJE), Ermenegilda da Costa Laurentina hodi informa preokupasaun povu hodi IGE bele hadi’a mos kondisaun estrada ligasaun Cribas ba aldeia Camedar, Suku Barique, Postu Administrativu Natarbora- Manatutu.

Tuir obserbasaun dadaun ne’e, ekipa IGE koloka ona ekipamentu pejadu Loder bo’ot ida ba para ona iha área Rembor hodi hodi hala’o servisu. (*)

Rate this item
(0 votes)
Last modified on Monday, 05 December 2022 14:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter