Sekretáriu Estadu Kooperativa, Elizário Ferreira, hatete, loron 28 fulan-novembru tinan 1975 mak Timor tomak hakarak atu hetan ukun rasik aan.

"Loron 28 novembru la marka de’it loron ida ne’ebé povu timor tomak hakarak deklara nia independénsia, maibé marka mós loron ida ne’ebé povu timor hakarak deklara nia independénsia hodi harii sistema Governu ida ne’ebé bele proteje nia liberdade iha aspetu hotu-hotu no bele kria sistema ekonómiku ne’ebé sosialmente inkluzivu ka ba ema hotu-hotu”, dehan nia iha Rezidénsia Prezidente Autoridade Munisípiu Baukau Tirilolo, segunda (28/11).

Tanba, buat ne’ebé tenke foti mak sistema konstitusionál, inkluzaun, signifika iha devér konstitusionál atu garante justisa sosiál no defende direitus umanus, inkluzaun sosiál, empoderamentu ho igualdade ema hotu nian, liberdade reuniaun no expresaun.

SEKOOP reprezenta Prezidente Repúblika, haktuir, hakarak felisita nia sidadaun sira atu kontribui ba konstrusaun nasaun RDTL.

"Ha’u hakarak felisita sidadaun ida-ida no konvidadu ida-da iha ita-nia país no onra kontribuaisaun ne’ebé sira kontinua halo ba konstrusaun nasaun ho ita-nia miasaun ho vokasaun ne’ebé espesiál tebes", nia haktuir

Tanba, kna’ar ne'ebé ukun na’in uluk lori ne'e todan no komplexa, nune’e kontinua hamutuk tane aas valores ne'ebé rai hela ba jerasaun sira.

"Ita-nia kna’ar ne’e todan no kompleksa tebes, maibé sei sai kma’an sekarik líder ho desizór sira hotu servisu hamutuk, halo kooperasaun no ho valores no espritu ne’ebé Avo Xavier ho Nicolao Lobato hodi harii, ohin halo tinan 47, ita-nia independénsia", nia afirma. (*)